COLABORACIÓNS
Sumando esforzos, multiplicando impacto.
Na Fundación Breogán cremos no poder do traballo en equipo, dentro e fóra da cancha. Por iso, cada ano unímonos a proxectos e eventos que comparten os nosos valores e contribúen ao desenvolvemento social, deportivo e comunitario.
As nosas colaboracións non son iniciativas organizadas pola fundación, senón accións nas que participamos activamente, achegando apoio e compromiso para que cheguen máis lonxe. Desde torneos solidarios ata programas en favor de colectivos en situación de vulnerabilidade, pasando por proxectos de inclusión e promoción do deporte, cada colaboración é unha oportunidade para sumar sinerxías e facer do baloncesto unha ferramenta de cambio social.
Aquí atoparás todas as colaboracións de 2025. Grazas a todas as entidades, asociacións e persoas coas que compartimos este camiño. Xuntos seguimos facendo do deporte un motor de igualdade, superación e esperanza.
SESIÓNS DE PILATES CON AECC LUGO
Comezamos unha nova colaboración coa AECC Lugo, co obxectivo de mellorar a saúde e o benestar das súas persoas usuarias.
No marco desta iniciativa poránse en marcha distintas accións, como unha clase semanal de pilates a cargo de Patricia Pontón, charlas de interese e visitas ao Pazo dos Deportes para gozar en directo dos partidos do CB Breogán.
Un proxecto que une deporte e solidariedade na loita contra o cancro, acompañando ás persoas e reforzando a importancia de coidar corpo e mente.
XUNT@S POLA INCLUSIÓN
O vindeiro 10 de decembro, no Pazo de Feiras e Congresos de Lugo, celebramos unha xornada especial para conmemorar o Día Internacional das Persoas con Discapacidade.
🤝 Da man da Fundación Breogán e Cafés Candelas, todas as asociacións lucenses están convidadas a vivir unha mañá chea de xogos, deporte, creatividade e diversión para todas as persoas, independentemente das súas capacidades.
🕙 10:00 – 13:00 h
Inchables deportivos, arcade, xogos interactivos, touro mecánico, mini golf, slot, xogos populares e pintacaras.
✨ 13:00 – 14:00 h
Peche máxico co Mago Rafa!
🎈 Entrada libre e de balde.
Sumádevos a unha xornada que aposta pola igualdade, a convivencia e a inclusión real.
Esta mañá vivimos unha xornada verdadeiramente especial no @pazodefeiraslugo para conmemorar o Día Internacional das Persoas con Discapacidade.
🤝 Da man da Fundación Breogán e @cafescandelas, reunimos ás asociacións lucenses nun espazo cheo de xogos, creatividade e momentos inesquecibles, demostrando unha vez máis que a inclusión é un camiño que se constrúe entre todas e todos.
Foi un pracer recoñecer a varios usuarios e usuarias dos nosos proxectos, compartir con eles esta mañá tan especial… e incluso puidemos ver a Máximus, que non quixo perderse a festa!
🎉 Inchables deportivos, xogos interactivos, arcade, touro mecánico, mini golf, slot, xogos populares, pintacaras… e un peche máxico co talento do @magorafa, que puxo o broche perfecto a unha xornada para lembrar.
Grazas a todas as persoas e entidades que vos sumastes, pola vosa enerxía, sorrisos e espírito de convivencia.
Seguimos traballando por unha sociedade máis inclusiva, diversa e aberta. ✨
ASPNAIS Lugo
ENTREGA DE EQUIPACIÓNS - 21 xaneiro 2026
Equipados para seguir xogando pola inclusión.
Esta mañá vivimos un momento moi especial: fixemos entrega da equipación ao equipo de baloncesto Special Olympics de ASPNAIS Lugo, un proxecto que representa á perfección os valores do deporte como ferramenta de inclusión, compañeirismo e superación.
A entrega realizárona Salva Arco, Director Xeral do CB Breogán; Ana Traseira, Directora da UNED Lugo; e Luis Casimiro, adestrador do CB Breogán.
Acompañando ao equipo tamén nos visitou Jacobo Real, responsable de deportes de ASPNAIS, e contamos coa presenza de Tito Díaz, Director Deportivo do CB Breogán.
Ver a ilusión nos ollos destes rapaces recórdanos por que paga a pena seguir traballando por unha sociedade máis aberta e inclusiva.
Centro San Vicente de Paúl Lugo
Gala solidaria Diez Raz10nes
A Fundación Breogán ten o pracer de anunciar a súa colaboración coa gala solidaria #DiezRaz10nes, un evento gastronómico e benéfico que se celebrará o vindeiro 21 de febreiro no Salón Regio do Círculo das Artes de Lugo.
A recadación desta primeira edición destinarase ás asociacións Down Lugo e Raiolas Lugo, reforzando o apoio a persoas con síndrome de Down e trastorno do espectro autista (TEA) e as súa familias.
Nesta iniciativa, promovida por Allentum, Atalaya Comunicación e Publicidade, Arrocería Os Cachivaches, Canedo Restaurante & Brasería, Restaurante España e Kronos, contarase coa participación de doce chefs de prestixio que, co apoio do alumnado da Escola de Hostalería IES Sanxillao, crearán unha experiencia culinaria única.
Nesta primeira velada, contaremos coa presenza de doce grandes estrelas da gastronomía encargados de sorprender ao público cunha proposta culinaria excepcional.
Información ampliada en: www.diezraziones.com
Murallalandia
Unimos forzas cun proxecto marabilloso que busca mellorar a estancia dos máis pequenos no Hospital Universitario Lucus Augusti de Lugo. Murallalandia converterá a área de pediatría nun espazo lúdico e educativo inspirado na Muralla Romana, promovendo o benestar e a aprendizaxe a través do xogo.
Esta iniciativa faise realidade grazas á colaboración co SERGAS, Banco Mediolanum e a Asociación Somos Capaces, entidades comprometidas coa humanización dos espazos hospitalarios e coa mellora da calidade de vida dos nenos hospitalizados.
🔹 Como se fará?
O proxecto financiarase a través das doazóns recibidas en 👉 www.migranodearena.org e dos fondos recadados en eventos solidarios organizados para este fin.
Existen diferentes formas de patrocinio para aquelas entidades ou persoas que queiran sumarse á iniciativa:
🏆 Patrocinador Corporativo
🎖️ Patrocinador VIP
🤝 Patrocinador Colaborador
Ademais, Banco Mediolanum, a través da súa Fundación Mediolanum Aproxima, comprométese a duplicar as achegas recadadas en cada evento solidario ata un máximo de 5.000€ por evento.
Ti tamén podes axudar!
Cada achega conta! Co teu apoio, faremos posible que os nenos hospitalizados teñan un espazo máis acolledor, divertido e educativo. Únete á nosa causa e contribúe a transformar as súas estadías no hospital nunha experiencia máis amable.
Xuntos faremos do hospital un lugar mellor! 🙌💙
Tedes toda a información en: https://fundacionbreogan.org/wp-content/uploads/2025/02/Murallalandia.pdf
O vindeiro 9 de marzo, nas instalacións do Centro Deportivo D10, celebrarase o primeiro evento solidario para recadar fondos para Murallalandia, un proxecto marabilloso que transformará a área de pediatría do Hospital Universitario Lucus Augusti nun espazo lúdico e educativo inspirado na Muralla Romana.
A Fundación Breogán colabora nesta iniciativa xunto con SERGAS, Banco Mediolanum e a Asociación Somos Capaces, co obxectivo de mellorar a estancia dos máis pequenos no hospital.
🔹 Como podes colaborar?
✅ Realiza a túa doazón en 👉 www.migranodearena.org (mínimo 20€)
✅ Envía o xustificante xunto cos teus datos (nome e apelidos, teléfono, idade e actividades nas que queres inscribirte) a administracion@sportd10.com
✅ Participa en actividades como Ruta BTT, Andaina Solidaria, Tenis, Pádel, Aquagym, Fitness, Maratón de Natación, Xantar, Bingo e Maxia!
Xuntos podemos facer do hospital un lugar máis acolledor e divertido para os nenos. Contamos contigo!
Carreira Solidaria – Colaboración co Colexio CPR Cervantes
O domingo 25 de maio temos unha cita moi especial coa XV Carreira Solidaria do CPR Cervantes!
No marco do Memorial Profe Alberto, dende a Fundación Breogán colaboramos coa nosa paixón: o baloncesto.
🎯 Teremos un concurso de tiro a canastra para quen se anime a participar, grandes e pequenos!
💬 Deporte, memoria, comunidade e moita ilusión — vémonos na Praza Agro do Rolo, dende as 11:00 h!
👉 Toda a info e inscricións para a carreira en memorialprofealberto.com
