INTEGRA

INTEGRA é un proxecto da Fundación Breogán, en colaboración coa UNED Lugo, que conecta o deporte co traballo das entidades sociais. A través do baloncesto, apoiamos oas equipos Special Olympics de varias entidades lucenses.

Nesta nova etapa, o proxecto amplía a súa rede de colaboracións para chegar a máis equipos e colectivos.

INTEGRA quere estar presente tanto na actividade deportiva como na vida social das entidades participantes. Facémolo promovendo experiencias compartidas, visitas ao Pazo dos Deportes, actividades deportivas e sociais e apoio ás súas propias iniciativas.

A Fundación Breogán pon tamén a disposición do proxecto a súa capacidade de comunicación e difusión, dando visibilidade ás causas sociais, impulsando accións solidarias e recoñecendo a implicación de cada entidade na construción dunha sociedade máis inclusiva.

Queremos que o deporte abra novas oportunidades, favoreza a autonomía persoal e contribúa a mellorar a calidade de vida. Que o vínculo entre a Fundación Breogán e as entidades sociais se traduza en experiencias compartidas, maior visibilidade e novas formas de colaboración.

INTEGRA aspira a consolidar unha rede de apoio que medre co tempo, fortalezca o tecido social e devolva á comunidade parte de todo o que esta achega ao baloncesto.