Programa de intervención asistida con cans promovido pola Fundación Breogán e patrocinado por Albia Funeraria Fernández, empresa benefactora comprometida co benestar social.
As sesións serán desenvolvidas por Virginia Torrecillas, profesional de Escuela Tephira, especializada en Intervencións Asistidas con Cans en centros de atención a persoas con diversidade funcional e neurodiverxencia.
Descrición do programa
“Pegadas da Memoria” é un programa de intervención asistida con cans cun enfoque de personalización integral, dirixido a:
-
Persoas maiores de 65 anos en residencias.
-
Persoas con discapacidade e neurodiverxencia usuarias de COGAMI.
Recoñecendo a singularidade de cada perfil, o programa aposta por:
-
Adaptación absoluta das dinámicas.
-
Control da intensidade dos estímulos sensoriais e cognitivos.
-
Respecto polos tempos de procesamento.
-
Atención á mobilidade e funcionalidade física.
-
Ratio reducido para garantir interacción de alta calidade.
O can actúa como facilitador terapéutico, promovendo motivación, conexión emocional e estimulación cognitiva segura.
Planificación das sesións
-
Duración: 1 hora por sesión.
-
Posibilidade de dividir en 2 grupos de 30 minutos.
-
Grupo reducido: máximo 6–8 persoas.
-
Entorno controlado e seguro.
-
Intervención guiada por educadora canina especializada + can adestrado.
Organización
-
3 sesións mensuais
-
Rotación entre:
-
Residencia de As Gándaras
-
Residencia da Milagrosa
-
COGAMI
-
🐾 Pechamos a primeira tempada de Pegadas da Memoria
Hoxe despedimos unha primeira etapa dun proxecto que nos deixa grandes momentos, moitas emocións e innumerables sorrisos compartidos.
Xunto aos amigos de COGAMI, puxemos o broche final a unha tempada moi ilusionante na que Virginia Torrecillas e Pequeñita nos acompañaron nunha viaxe chea de conexión, aprendizaxe e benestar.
Queremos agradecer a todas as persoas participantes, profesionais e entidades colaboradoras a súa acollida, implicación e cariño. Grazas por abrirnos as portas e por facer posible que cada sesión fose especial.
Agora toca facer unha pequena pausa, pero agardamos volver despois do verán con máis encontros, máis experiencias compartidas e novas pegadas por deixar no camiño.
💙 Grazas por formar parte de Pegadas da Memoria.
🤝 Un proxecto da Fundación Breogán co patrocinio de Albia Funeraria Fernández.
🐾 COGAMI volveu abrirnos as portas de Pegadas da Memoria
Nesta nova actividade, compartimos unha xornada chea de cercanía, interacción e momentos que nacen da conexión máis sincera.
Da man de Virginia Torrecillas e coa compañía de Pequeñita, as persoas participantes gozaron dunha experiencia diferente, na que as emocións, a confianza e a comunicación apareceron de maneira natural en cada dinámica.
Pequenos instantes que fan grande este proxecto e que seguen demostrando o valor das intervencións asistidas con cans.
🤝 Pegadas da Memoria, unha iniciativa da Fundación Breogán co patrocinio de Albia Funeraria Fernández.
🐾 Seguimos repartindo agarimo.
Volvemos ás residencias con Pegadas da Memoria.
Cada visita é distinta, pero todas deixan algo especial. Nas novas sesións de Pegadas da Memoria, as residencias volveron converterse nun espazo de encontro, conversa e emoción compartida arredor de Pequeñita.
Co acompañamento de Virginia Torrecillas, os momentos máis sinxelos —unha caricia, unha mirada ou un sorriso inesperado— acabaron transformándose nunha experiencia chea de proximidade e benestar.
Porque ás veces as mellores terapias nacen da conexión máis natural.
🤝 Un proxecto da Fundación Breogán co patrocinio de Albia Funeraria Fernández.
🐾 Unha mañá chea de sorrisos e emocións
Celebramos as primeiras sesións de Pegadas da Memoria, o programa de terapia cognitiva asistida con cans da Fundación Breogán nas residencias A Milagrosa e As Gándaras.
A educadora canina Virginia Torrecillas, xunto coa súa inseparable compañeira Pequeñita, protagonizaron unha actividade moi especial que encheu as salas de sorrisos, lembranzas e momentos de tenrura.
A conexión inmediata entre as persoas participantes e Pequeñita demostrou, unha vez máis, o enorme valor das intervencións asistidas con animais para estimular a memoria, favorecer a comunicación e mellorar o benestar emocional.
Este é só o comezo dun proxecto que continuará levando estas experiencias tamén a COGAMI.
🤝 Pegadas da Memoria é unha iniciativa da Fundación Breogán co patrocinio de Albia Funeraria Fernández.
🐾 O programa Pegadas da Memoria segue o seu camiño e hoxe fixo unha parada moi especial para visitar aos nosos amigos de COGAMI. Tras o éxito nas residencias, esta nova sesión volveu demostrar que a terapia asistida con cans é unha ferramenta marabillosa para conectar e emocionar.
Nesta ocasión, contamos cunha compañía de luxo. Ademais do traballo de Virginia Torrecillas e a súa inseparable Pequeñita, quixeron vivir a experiencia de primeira man os representantes de Albia, cuxo apoio é fundamental para que este proxecto sexa unha realidade:
- Eduardo Vázquez, Director de zona Galicia e León.
- Noelia Sánchez, Directora comercial Galicia.
- Belén Ramos, Xerente en Lugo.
Ver a interacción entre os usuarios de COGAMI e Pequeñita reafirma o noso compromiso con esta iniciativa: momentos de alegría, estimulación e unha comunicación que vai moito máis alá das palabras.
🐾Unha conexión que non se esquece.
Hai encontros que van máis alá das palabras. Hoxe, nas residencias A Milagrosa e As Gándaras, volveu suceder: miradas que se iluminan, mans que acarician con agarimo e recordos que agroman case sen avisar.
Virginia Torrecillas e Pequeñita regresaron para seguir deixando pegadas invisibles, desas que permanecen no tempo e no corazón.
🤝 Pegadas da Memoria, un proxecto da Fundación Breogán co patrocinio de Albia Funeraria Fernández.
🐾Nova sesión de Pegadas da Memoria en COGAMI Lugo.
Seguimos avanzando con Pegadas da Memoria, levando a terapia asistida con cans a novos espazos. Nesta ocasión, visitamos o centro de COGAMI Lugo, onde a emoción e a conexión volveron ser protagonistas.
Da man de Virginia Torrecillas e coa complicidade de Pequeñita, a sesión converteuse nun momento de encontro, participación e benestar compartido, no que cada interacción suma e cada sorriso conta.
Un paso máis nun proxecto que segue creando vínculos reais a través do poder terapéutico dos animais.
🤝 Pegadas da Memoria, unha iniciativa da Fundación Breogán co patrocinio de Albia Funeraria Fernández.
