O vindeiro venres 27 de setembro, a Fundación Breogán organiza un novo torneo de baloncesto 3X3 no anexo do Pazo dos Deportes.
O evento, que terá lugar de 9:30 h. a 14:30 h. está encadrado nos actos de celebración do 200 aniversario do Corpo Nacional de Policía, e nel participarán axentes da Comisaría de Lugo.
Ademáis do torneo haberá varios concursos: de triplas, de TwoBall e o famoso “Súper Tiro TORRE DE NÚÑEZ“, no que o gañador/a levará un imponente xamón desta empresa lucense líder na elaboración de xamóns serranos e embutidos da máxima calidade.