Esta mañá puxemos o punto final ao ciclo de sesións formativas de 𝗕𝗼𝗮𝘀 𝗣𝗿𝗮𝗰𝘁𝗶𝗰𝗮𝘀: Xestión Emocional e Saúde Global en Educación Física, cunha última charla a cargo de Luis Abel Taboada, director da Fundación Breogán.
💬 “Deporte san, mente sa”
Un peche perfecto para un proxecto que ao longo destas semanas achegou ao alumnado ferramentas fundamentais para comprender a importancia do coidado integral do corpo e da mente a través do deporte.
Con esta sesión damos por rematado este proxecto, agradecendo profundamente aos dous centros educativos nos que se desenvolveron as actividades, o CEIP Luis Pimentel e o CEIP Das Mercedes, pola súa implicación e colaboración.
👏 Así mesmo, queremos agradecer aos profesionais que participaron desinteresadamente impartindo as diferentes charlas, achegando coñecemento, experiencia e valores fundamentais para a educación en saúde e deporte.
Seguimos traballando para impulsar hábitos saudables desde a base.