O pasado sábado, no Pazo dos Deportes, nun dos descansos do derbi, Narciso Fernández, Presidente da Fundación Breogán fixo entrega do cheque correspondente á doazón benéfica anual, que os Socios Benefactores da Fundación Breogán quixeron que fose para SOMOS Unidos Por El Cáncer.
Marian Pérez, secretaria da entidade e Begoña Campos, xefa de sección do Servizo de Oncoloxía do HULA e Presidenta do Comité Técnico de SOMOS, foron as encargadas de recoller este recoñecemento ao seu labor.
Parabéns por este premio e grazas de corazón por todo o traballo que realizades a diario para mellorar a vida de pacientes de cancro e os seus familiares. Grazas!
