Primeiro día desta III Edición das Xornadas de Tecnificación, que iniciamos traballando con Jorge Arede e Sergio González como convidados especiais e os adestradores da Fundación Breogán.
De seguido chegaron as sorpresas para os rapaces e rapazas, xa que a mañá estivo chea de emocionantes visitas de xogadores do C.B. Breogán. Erik Quintela, Jordan Sakho, Justin Robinson e Ben McLemore compartiron pista, anécdotas e respostaron a tódalas dúbidas plantexadas polos participantes.
Logo do descanso para repoñer forzas a media mañá e gozar dun enerxizante batido Leymacao, chegou o momento de dalo todo nas competicións de 3X3.
Tralo xantar chegou o momento dos talleres, porque para ter un correcto rendemento na pista é necesaria uns bós hábitos físicos, sobre todo á hora de previr lesións, así coma o aspecto mental, de vital importancia para calquera deportista.
Os encargados foron Pablo Duarte, fisioterapeuta do C.B. Breogán, co seu taller específico para reducir o risco de lesións e Luis Abel Taboada, psicólogo da Fundación Breogán, coa súa charla “Mente sa, basket san”.