Viveiro acolle o primeiro partido de pretempada do @cbbreogan.
A Fundación Breogán, en colaboración co @baloncestoviveiro organiza o primeiro partido de pretempada do Río Breogán, que se celebrará o domingo 31 de agosto ás 12:30 horas no Pazo de Deportes de Viveiro.
O conxunto lucense enfrontarase ao FC Porto, nun duelo internacional ante un dos mellores equipos de Portugal, que marcará o inicio da súa preparación para a nova tempada da Liga Endesa @acbcom. Será ademais a primeira oportunidade para que a afección vexa en acción ás novas incorporacións do Río Breogán, chamadas a deixar boas sensacións desde o primeiro día.
Con esta iniciativa, a Fundación Breogán e o CB Viveiro reafirman o seu compromiso coa promoción do deporte e co impulso do baloncesto na comarca lucense.
As entradas están dispoñibles na seguinte ligazón: https://foroentradas.es/viveiro/
