Esta semana viviremos unha nova Experiencia Breogán, da man da nosa empresa benefactora Ibersys, que nesta ocasión irá destinada á Fundación Juan Soñador.
A través desta colaboración, seguimos achegando valores, oportunidades e ilusión a entidades que traballan día a día por un mundo máis xusto, como fai a Fundación Juan Soñador coas crianzas e mocidade en situación de vulnerabilidade.
Grazas a Ibersys por facer posible esta experiencia, e grazas á Fundación Juan Soñador polo seu labor incansable.
A Fundación JuanSoñador é unha iniciativa social cuxo obxectivo principal é a prevención, educación e promoción social integral de nenos, nenas, adolescentes, mozos, adultos e familias en situación de risco e/ou exclusión social.
A súa misión céntrase na promoción integral e o desenvolvemento persoal e social das persoas en situación de vulnerabilidade. Para iso, implementan programas que abranguen desde a atención á infancia e á mocidade ata a inclusión social de persoas migrantes, formación e inserción laboral, e apoio ás familias.
