Esta semana tivemos unha nova sesión de mobilidade e actividade física nas residenciasda Xunta de Galicia de As Gándaras e A Milagrosa, e o resultado foi claro: máis movemento, máis risas e máis ganas de seguir sumando momentos xuntos.
Entre estiramentos, xogos e exercicios adaptados, os nosos avós e avoas demostraron que a enerxía non entende de anos, e que cada sesión é unha festa onde o corpo esperta e o corazón se alegra.
Da man da nosa adestradora Raquel Asensio, seguimos traballando para estimular corpo e mente, sempre desde o respecto, o cariño e a diversión.
Porque neste proxecto, o importante non é só moverse… é gozalo xuntos. 💙