Novas

Proxecto Cris Seijo – Liga veteranas 12/01/25

Nova vitoria das rapazas do Cris Seijo na súa visita ao C.B. San Pelayo.

Segundo encontro da Liga @autocares_riasbaixas de Veteranas 24/25 no que as rapazas que conforman a vertente deportiva do Proxecto Cris Seijo venceron a domicilio ao CB San Pelayo por 42 a 70.

Máis aló do resultado do partido, as nosas rapazas do Cris Seijo seguen desfrutando do que máis lles apaixona: xogar ao baloncesto.

Esta liga da FEGABA é unha oportunidade única para que xogadoras maiores de 35 anos sigan competindo, crecendo e compartindo momentos inesquecibles na pista.

Cada partido é moito máis ca un marcador: é unha celebración do esforzo, a amizade e o amor por este deporte.