A vertente deportiva do Proxecto Cris Seijo logrou esta fin de semana unha nova vitoria na Liga de Veteranas da Fegaba, nun encontro fronte ao CB Val de Lemos (8 – 80).
Un resultado que, aínda sendo positivo, é o de menos. Porque cada partido é unha forma de honrar o espírito de Cris Seijo, feito de paixón, compromiso e ilusión. É tamén unha oportunidade para seguir reivindicando o valor e a visibilidade do baloncesto feminino, tamén en etapas da vida onde, moitas veces, se nos quere deixar fóra da pista.
Este proxecto segue demostrando que o deporte é comunidade, é igualdade e é memoria viva. Grazas, unha vez máis, a todas as que facedes posible este camiño.