Hoxe vivimos unha mañá espectacular, desas que paga a pena recordar e que lle dan sentido e reflexan á perfección o espíritu do Basket na Rúa, unha alternativa de ocio saudable para a mocidade lucense, co baloncesto como fío conductor.
A climatoloxía foi máis que propicia para a práctica deportiva e a reposta dos rapaces e rapazas (e os seus pais e nais, moi activos e participativos) inmellorable.
![](https://fundacionbreogan.org/wp-content/uploads/2024/04/13AMILAGROSA-scaled.jpg)
![](https://fundacionbreogan.org/wp-content/uploads/2024/04/14AMILAGROSA-scaled.jpg)
![](https://fundacionbreogan.org/wp-content/uploads/2024/04/16AMILAGROSA-scaled.jpg)
Contamos ca presenza do Concelleiro de Xuventude e Deportes do Concello de Lugo, Jorge Bustos e co Técnico municipal do Servizo de Prevención de Drogas, Francisco Javier Fdez. Eirós.
Tamén recibimos unha visita sorpresa, o xogador do C.B. Breogán, Sergi García achegouse á Praza da Milagrosa logo de rematar o adestramento da mañá, para saludar aos pequenos deportistas. Moitas grazas Sergi, por facer ese paréntese na preparación do importante encontro desta tarde no Pazo.
![](https://fundacionbreogan.org/wp-content/uploads/2024/04/15AMILAGROSA-1024x1024.jpg)
![](https://fundacionbreogan.org/wp-content/uploads/2024/04/17AMILAGROSA-1024x1024.jpg)
![](https://fundacionbreogan.org/wp-content/uploads/2024/04/18AMILAGROSA-1024x1024.jpg)
No aspecto deportivo, hoxe os adestradores da Fundación Breogán e o Director, Salva Arco, dividiron o traballo en estacións, facendo grupos de xogadores/as segundo as súas idades.
Logo da parada de rigor para hidratarse e comer unha peza de froita, chegou o momento do concurso de triplas e o reparto de premios e sorteos: camisetas Dzanan Musa Legend, mochilas oficiais do Basket na Rúa, dúas camisetas asinadas polos xogadores do Breo e o sorteo de 5 invitacións dobres para o encontro desta tarde que enfrontará ao C.B. Breogán co Gran Canaria.
![](https://fundacionbreogan.org/wp-content/uploads/2024/04/19AMILAGROSA-scaled.jpg)
![](https://fundacionbreogan.org/wp-content/uploads/2024/04/20AMILAGROSA-scaled.jpg)
![](https://fundacionbreogan.org/wp-content/uploads/2024/04/21AMILAGROSA-scaled.jpg)
Voltaremos o vindeiro sábado á Praza da Milagrosa para volver a encher a rúa de rapaces/as amantes do baloncesto.