Esta semana presentouse DEPORTE NA RÚA, un proxecto que promove o ocio saudable nos barrios de Lugo.
Supón unha ampliación do BASKET NA RÚA levado a cabo no ano 2022, xa que ao baloncesto incorpóranse outros dous deportes cun gran peso e presenza en Lugo: o voleibol e o fútbol sala.
A actividade está coordinada baixo o patrocinio do Concello de Lugo pola Fundación Breogán, coa colaboración do Club Voleibol Emevé Arenal e Lugo Sala.
Agardámosvos o vindeiro DOMINGO día 9 de 10:30 a 13:30 h. na PRAZA DE AUGAS FÉRREAS.
Inscríbete no lugar da actividade previamente ao inicio da mesma. As prazas son limitadas e por rigorosa orde de inscrición.
Máis información en www.fundacionbreogan.org/deporte-na-rua.