Grazas ao apoio recibido en Cancha Solidaria Endesa, onde conseguimos acadar o obxectivo marcado, os rapaces e rapazas do Proxecto Ícaro poderán beneficiarse dunha bolsa deportiva para a tempada 2026/27.
Rematados os adestramentos deste curso, chega o momento de decidir en que club queren continuar a súa aventura deportiva.
Baloncesto, fútbol sala, rugby, tenis de mesa, baile, voleibol ou atletismo.
Unha oferta ampla para que cada participante poida atopar o seu lugar, desenvolver o seu talento e seguir medrando a través do deporte.
Porque detrás de cada voto, de cada doazón e de cada apoio recibido hai oportunidades reais.
E agora toca transformalas en deporte, ilusión e futuro 💙🏀