Hai lugares que forman parte da historia dunha cidade. E hai experiencias que permiten descubrilos desde dentro.
Pazo Aberto naceu para achegar aos máis pequenos ao corazón do Río Breogán e a todo o que representa o Pazo dos Deportes de Lugo: historia, emoción, esforzo, traballo en equipo e sentimento de pertenza.
A través desta iniciativa, e da man de “El Proyecto de Bana”, escolares de primaria da provincia de Lugo teñen a oportunidade de acceder a espazos habitualmente reservados ao equipo, coñecer curiosidades do club e participar en dinámicas educativas que utilizan o deporte como ferramenta de aprendizaxe.
Nas súas dúas primeiras tempadas xa participaron 13 centros educativos, descubrindo que detrás de cada partido hai moito máis que baloncesto.
No curso 2026/27 celebraremos a súa 3ª tempada, continuando unha experiencia que axuda a formar novas xeracións de breoganistas e a fortalecer o vínculo entre o club, a cidade e a súa mocidade.
