Dentro das actividades de ocio e formación do programa +xTI 24-25 que pon en marcha o Servizo Municipal de Prevención de Drogodependencias e outras Adiccións Comportamentais do Concello de Lugo, a Fundación Breogán propón a inclusión na programación do mencionado plan, de oito xornadas de baloncesto e actividades deportivas na rúa.

Buscarase:

• Ofrecer unha actividade que ocupe a todos aqueles nenos/adolescentes que os sábados pola mañana non dispoñen de alternativas de ocio.
• Favorecer a interacción entre pais e fillos mediante a práctica deportiva.
• Fomento da practica deportiva en beneficio dun ambiente saudable e como alternativa e/ou de prevención a outro tipo de hábitos non recomendables.
• Achegar e dar a coñecer o deporte.
• Aumentar a seguridade e a confianza dos participantes.
• Fomentar a convivencia e a sociabilidade.
• Fortalecer lazos afectivos cos compañeiros, amigos e/ou familiares que participen nas actividades.
• Educación na práctica deportiva así como nas súas rutinas saudables (quecemento, estiramentos, alimentación adecuada, etc.)