SOMOS UPEC / TRANSPORTES VALÍN
Da man da nosa empresa benefactora TRANSPORTES VALÍN E HIJOS, achegámonos ó traballo de Somos UPEC, na semana do 11 ó 17 de decembro de 2023.
Esta Asociación lucense creada no 2014, traballa para recadar fondos para a investigación do cancro e ofrecer aos seus socios atención especializada gratuita para que o aspecto económico non sexa unha preocupación.
No derradeiro “Tour do Pazo” do proxecto Experiencia Breogán deste 2023 recibimos a unha representación de @somosupec composta por varios membros da directiva e algún usuario.
O percorrido, guiado polo Director da Fundación Breogán, @salva_arco, percorreu as zonas máis senlleiras do templo breoganista: corredor da fama, vestiario, sala de vídeo, sala VIP, ximnasio… para rematar presenciando unha parte do adestramento do @cbbreogan, no que tiveron a oportunidade de compartir uns minutos de charla cos xogadores.
Foi entón cando o presidente da entidade SOMOS – Unidos por el cáncer, José Manuel Vázquez, explicou a toda a plantilla o labor que realiza a asociación por toda a provincia de Lugo e o enorme valor que ten para a sociedade lucense.
A visita rematou coma sempre, coa foto de familia entre os xogadores e corpo técnico do C.B.Breogán e os integrantes do Tour.
Na segunda fase desta Experiencia Breogán, visitamos a planta de oncoloxía do Hospital Universitarios Lucus Augusti. O Director da Fundación Breogán, @salva_arco, acompañado por Marian, de @somosupec, polos xogadores do @cbbreogan, @42ergiquintela e @jusanderson1 e o fisioterapeuta do C.B. Breogán, @pablo10duarte, fomos recibidos pola oncóloga Begoña Campos e demáis responsables do área de oncohematoloxía do Hospital lucense.
Alí coñecimos as instalacións, tanto a parte de hospitalización como o hospital de día e de pediatría e compartimos dúas horas de recorrido visitando aos pacientes que nos recibiron con moita ilusión e agarimo e non deixaron pasar a oportunidade de facerse multitude de fotos cos xogadores.
Moitas grazas a todo o persoal sanitario e aos usuarios pola acollida e á nosa empresa benefactora Transportes Valín por permitirnos realizar esta Experiencia Breogán tan fermosa e por poder dar a coñecer o traballo de SOMOS UPEC.
www.somosupec.com
.