ASPALU / GARCÍA RIELO

ASPALU é unha asociación sen animo de lucro. Desenvolven servizos e accións co fin de mellorar a calidade de vida das persoas afectadas de Párkinson, familiares e coidadores na cidade de Lugo.

Os principais obxectivos da Asociación son

• Facilitar a conexión entre as persoa afectadas pola enfermidade de Párkinson.
• Ofrecer terapias específicas, co fin de mellorar a calidade de vida do afectado e familiares.
• Concienciar á opinión pública das necesidades e problemáticas da enfermidade.

• Promover a investigación e a integración social da EP.

• Axudar a afectados, familiares e a todos os membros da asociación.

• Innovación e progreso. Mellorando as actividades e servizos que poden incrementar a calidade de vida dos afectados.

   

  Iniciamos esta nova Experiencia Breogán realizando  o “Tour do Pazo”, unha das tres partes da que se compón o proxecto, cos amigos e amigas da Asociación Párkinson Lugo (ASPALU), que estamos a coñecer grazas á nosa Empresa Benefactora a Clínica García Rielo.

  Acompañados por Salva Arco e por Luis Abel Taboada os nosos convidados percorreron todas as dependencias do Pazo dos Deportes: sala de prensa, ximnasio, palco VIP…etc. Unha das cousas que máis lles chamou a atención a tod@s foi o descubrimento dunha pesa de 50 Kg. A pregunta estaba clara, cal dos xogadores do C.B. Breogán é quén de levantala do chan? Quedaron coa dúbida e terán que comprobar por eles e elas mesmas o tamaño dos bíceps dos xogadores breoganistas para descubrir ao “propietario” da pesa.

  Sen dúbida terán unha oportunidade privilexiada para este fin o domingo día 5, xa que poderán velos moi de preto, desde o palco VIP da Fundación no encontro do Breo fronte ao CB Canarias.